Labaran wasanni

Yan wasan da su ka fi kowa samun kudi a harkar kwallo

Wannan karo mun shiga fagen wasanni ne inda mu ka kawo maku jerin ‘Yan wasan da su ka fi kowane samun kudi da harkar kwallon kafa a Duniya. A jerin dai akwai manyan ‘Yan wasan da ake ji da su a Duniya.

Lionel Messi ne a kan gaba sai kuma Abokin

adawar sa watau Cristiano Ronaldo sannan Neymar wanda yanzu yake taka leda a Kungiyar PSG. Ga dai jerin nan kamar yadda Mujallar FORBES ta fitar:

1. Lionel Messi
Babban ‘Dan wasan Duniya Lionel shi ne kan gaba a wannan jeri inda aka ce a bana kurum zai tashi da Dala Miliyan 84. Ban da harkar kwallo, ‘Dan wasan na Barcelona na ya kan yi wa nanyan kamfanonin Duniyar talla.
2. Cristiano Ronaldo
Bayan ‘Dan wasa Lionel Messi na Kasar Argentina sai kuma Ronaldo. Yanzu dai albashin ‘Dan wasan a Juventus a shekara ya haura Dala Miliyan 30 inda yake kuma samun kusan Dala Miliyan 50 ta wasu hanyoyin.
3. Neymar Jr.
‘Dan wasa Neymar na Kasar Brazil wanda yake wasa a ‘PSG’ zai tashi da Dala Miliyan 73 a bana. Ban da albashin sa, ‘Dan wasan zai kuma tashi da Dala Miliyan 17 wajen tallan da yake yi wa Kamfanoni.
4. Paul Pogba
‘Dan wasan Manchester United na tsakiya Pogba ne can a na 4 a jerin. A wani lokaci ‘Dan wasan ne ya fi kowa tsada a Duniya. Pogba na karbar fam 290,000 a duk mako ban da kudin da yake samu a wasu harkar.
5. Luis Suarez
‘Dan wasan gaban Barcelona Suarez ne ya tike jerin na mu a 5. ‘Dan kwallon na Kasar Uruguay zai tashi da kusan Dala Miliyan 27 a bana. Albashin kawai da yake dauka a Sifen ya kai kusan Dala Miliyan 20 duk shekara.
Sauran manyan ‘Yan kwallon da ke tashe da makudan kudi sun hada da Sergio Aguero, Angel Di Maria, James Rodriguez, Gareth Bale, Oscar Jr., Kylian Mbappe, Thiago Silva, Wayne Rooney da sauran su.

Related Articles

Leave a Reply

Your email address will not be published.

Back to top button